Menm jan avèk plizyè anbasad isit ak lòt enstitisyon fèmen pòt yo, anbasad Lafrans an Ayiti a deside fèmen pòt li tou depi ayè dimanch 17 mas 2024 la. Yo fè anons la nan lannuit dimanch la nan yon piblikasyon yo fè sou paj fesbouk yo.
“Pa mezi prekosyon anbasad Lafrans an Ayiti fèmen pou tout piblik la jouska vandredi 22 mas 2024 la”, daprè sa yo di nan anons la.
Pi douvan, yo fè konnen y ap fè kou yo konnen pou asire viza pandan bon tan nan lè 9è pou rive 11è nan maten, men yo soulinye se pou moun ki te gen pou vin pran paspò sèlman.
“Pa gen okenn nouvo demann ki pral resevwa epi tout randevou pou depoze dosye yo pral repòte pou yon dat nou poko konnen toujou“, se presizyon yo fè sitou pou sila yo ki konsène ak koze viza pou Lafrans.
Sou yon lòt bò Repiblik Dominikèn li menm, retire 27 moun li an Ayiti, ladan yo te gen : 18 gason, 7 fanm ak 2 timoun, moun sa yo te rive deplase nan 3 elikoptè lame dominiken ayè dimanch 17 mas la. Ministè enteryè Repiblik Dominikèn di yo retire moun sa yo se akòz sitiyasyon ensekirite ak banditis ki gen an Ayiti depi plis pase 2 semèn nan.
Atik sa se pwopriyete prive ©️ Gwoup Medya MAGHAITI 2024
