Nan yon entèvyou sekretè enteryè peyi Etazini Alejandro Mayorkas te bay ak Mc Clatchy nan emisyon « Au-delà de la frontière » ayè jedi 4 avril 2024 la, Li fè konnen gen Ayisyen ki kontinye ap riske lavi yo nan vwayaje nan kondisyon difisil alòske gadkòt te voye 65 Ayisyen tounen semèn ki sot pase la, sila yo te pase «Great Inagua»ak Bayamas, selon sa jounal Miami Herald rapòte.
«Administrasyon Biden lan pa gen lide renouvle Estati Pwoteksyon Tanporè (TPS) pou Ayisyen yo, nan lide pou penmèt Ayisyen yo rete dèyè a aktyèlman», selon deklarasyon Alejandro Mayorkas ki se sekretè enteryè Etazini.
Paralèman plizyè Ayisyen kontinye ap rantre Etazini nan pwogram imanitè pawòl la, pandanstan gen yon majorite ki te chwazi itilize vwayaj chatèl pandan yo te pase Nikaragwa ak Meksik pou rive Etazini kòm destinasyon final. Sa a ki te pral lakoz anbasad Ameriken an te fè konnen ak Sila sa yo ki te konn òganize vwayaj sa yo, yo sou sanksyon nan dat 17 fevriye 2024 ki sot pase la.
«Nou pa gen entansyon pou moman kounya remete Ayiti nan TPS», se sa a Alejandro Mayorka, sekretè enteryè Etazini, fè konnen. Li menm kontinye pou l avanse : «kite m klè avèk nou, tout fwa nou entèdi divès Ayisyen yo pran lanmè vin Etazini, se paske depi nou pran yo n ap voye yo retounen byen rapid».
Sou lòtbò, Amnesty International te mande ak divès peyi nan rejyon an pou yo pa voye Ayisyen yo retounen lakay yo nan dat 2 avril ki sot pase la, sitou Repiblik Dominikèn pou yo sispann voye Ayisyen yo retounen ni sou baz rasis ni lòt ankò.
«Alòske sekretè enteryè a rekonèt klima ensekirite k ap travèse. Nou konsantre n sou sitiyasyon Ayiti a puiske nou pare pou n dispoze vwayaj legal pou ki penmèt yo gen aksè ak rantre Etazini legalman», Se kon sa a Alejandro Mayorkas mete fen ak entèvyou a.
© Tous droits réservés – Groupe Média MAGHAITI 2024
