Plizyè fanmi nan zòn Bèlè, Dèlma 24, Kriswa, Ri Timas, Avni poupla, Nazon, Kafou Peyan, Solino, elatriye ap kouri kite kay yo akoz afwontman gwoup nèg ak zam jounen jodi jedi 2 mas 2023 a, yon batay ki te tanmen depi Lendi nan lannuit, kote katouch te deklanche san rete pou rive nan madi lajounen.
Alòske nouvo gè sa gentan lakoz plizyè viktim parapò avèk bal mawon sila sa yo resevwa nan men bandi sa yo, puiske kout bal pa sispann tire pasi pala atravè kèk kote nan zòn Metwopolitèn Pòtoprens lan.
Anpil videyo ap sikile sou rezo sosyal yo, kote nèg ak gwo zam fann fwa nan men yo, sou lòtbò moun ap kouri avèk pakèt sou tèt yo epi timoun kenbe nan men yo pou y al sou Plas kanapevè yo ak lòt ankò.
N ap raple nan moman n ap ekri atik sa, popilasyon an pa sispann mande sekou Lapolis Nasyonal Dayiti pou yo ka retabli lapè epi penmèt yo viv nan trankilite olye y al dòmi sou plas piblik yo.
Atik sa se pwopriyete prive ©️ Gwoup Medya MAGHAITI 2023
