Daprè yon nòt ki pibliye Direksyon jeneral imigrasyon ak emigrasyon enfòme gen plizyè sant ki oblije kanpe sou demann paspò nan peyi a jounen jodi vandredi 20 janvye 2023. Desizyon sa vini nan lide pou jere pi byen kantite demann paspò k ap ogmante pi plis chak jou, sitou aprè lansman pwogram imanitè Etazini an.
Direksyon jeneral imigrasyon ak emigrasyon enfòme piblik la an jeneral, moun k ap fè demann paspò, gen 2 sant ki fèmen pou yon ti bout tan, presizeman sa yo ki retwouve yo nan Petyonvil ak biwo santral la ki sou wout Lali an.
Pou ogmante nan sant sèvis yo, sitou sou kantite demann ak livrezon paspò yo, genyen plizyè lòt sant ki mete sou pye toujou nan rejyon Metwopolitenn lan pou ofri sèvis san parèy nan demann paspò yo atravè tout biwo imigrasyon yo.
Toujou nan menm nòt sa : « Mete sou sa, kontribyab Pòtoprens ak zòn ki sou kote li yo, toujou ka ale nan sant ki Dèlma 31 an oswa sa ki nan ri Lama sou Channmas lan ak sant Direksyon imigrasyon ak emigrasyon ki sou wout Taba a pou depoze demann paspò yo tou.»
Direksyon an tou pwofite fè konnen genyen twa (3) nouvo sant imigrasyon ak emigrasyon ki mete sou pye nan rejyon Metwopolitenn lan ki se «Gymnasium Vincent, Parc Sainte Thérèse ak Parc industriel SONAPI.»,
Daprè nòt la, 2 ladan yo pral kòmanse ofri sèvis apati lendi 23 janvye 2023, epi dènye an ap louvri nan mèkredi 25 lan.
Atik sa se pwopriyete prive ©️ Gwoup Medya MAGHAITI 2023
