Jodi madi 3 janvye 2023 a, Komisè Gouvènman touprè Tribinal premye Enstans pòtoprens lan, Jacques Lafontant envite pastè Amel Lafleur nan pakè pòtoprens lan aprè demontrasyon seksyèl li tap montre nan legliz li a.
Demen mèkredi kap 4 janvye 2023, pastè Amel Lafleur dwe prezante l nan pakè Pòtoprens poutèt li tap montre aklè nan legliz li kijan pou moun rantre nan relasyon sekyèl.
“Envitasyon sila jistifye pa mepri piblik la, desans ak gwo pwoblèm evalyasyon ou yo te kreye nan lòd sosyal la: an patikilye dispozisyon atik 283 nan kòd penal ayisyen an.” Deklarazyon nou li nan envitasyon komisè gouvènman an.
Aprè plizyè videyo ki tap plede sikile sou rezo sosyo yo, plizyè sitwayen te revolte aprè aksyon pastè tap fè ak pwop pitit fi li.
Nap raple se pa premye fwa pastè Amel Lafleur jwenn envitasyon pou li ale nan pakè. Sa fè plizyè lane pastè a te nan vizè lajistis ayisyèn. Daprè plizyè enfòmasyon, pastè a gen akizasyon sou li nan koze vyòl sou plizyè jèn fi.
Atik sa se pwopriyete prive ©️ Gwoup Medya MAGHAITI 2023
