Jodi vandredi 30 desanm nan, PNH fè konnen yo arete 4 moun ki ta enplike nan yon tantativ kidnapin nan komin Petyonvil. Pami moun yo, yo jwenn Sainthia Jean ki se manman pitit Izo Vilay Dedye.
Daprè sa Sainthia fè konnen, li se efektivman manman pitit Izo vilaj Dedye. Men pou kounya li pa gen rapò ak li. Li tou pwofite deklare se yon zam Izo di lap fè pitit li a kado lèl gran.
“Lèm mwen te avèl m pat konnen kisal te ye ,lè m vinn konnen mwen bay vag, mwen te ak Izo depi 2017, sa fè 4 lane depi nou pa ansanm”. Deklarasyon Sainthia Jean sou kesyon rapò li ak Izo.
Pami 4 moun ki arete yo , genyen Ronald Pascal, Oscar Davidson, Francelaine Lamour, Sainthia Jean. Daprè nòt PNH la, 4 endividi sa yo sanble gen koneksyon avèk gang kap opere nan vilay Dedye. 4 endivi sa yo sanble yo tap planifye yon kidnapin sou propriyetè yon disko ki chita nan komin Petyonvil.
Atik sa se pwopriyete prive ©️ Gwoup Medya MAGHAITI 2022
