Plizyè 100èn Ayisyen pran wout pou rantre nan peyi Dayiti pandan jou sa yo. Daprè temwanyaj jounal Listín Diario rapòte, migran Ayisyen sa yo vini se nan lide pou pase tan avèk fanmi yo, fete fèt endepandans peyi a aprè pou yo retounen ankò nan peyi vwazen an.
” Plizyè 100èn sitwayen Ayisyen k ap viv sou teritwa dominiken an pase nan zòn Dajabón pou travèse fwontyè dominiko-Ayisyen an pou pase nouvèl ane k ap antre la avèk fanmi yo nan peyi yo epi pou yo pwofite fete fèt endepandans nasyon an”, se sa jounal dominiken an ekri.
Toujou nan menm kad dosye sa a, Ayisyen sa yo sòti nan divès vil tankou: Santyago, Valvède, Navaret, aprè yo fin pase fwontyè a, divès nan yo pran wout pou ale nan destinasyon yo te dwe rive a.
Pandantan sa, anpil nan sitwayen sa yo malgre yo vle pase fèt la bò kote fanmi yo ak zanmi yo, yo deja prevwa y ap retounen nan peyi vwazen an depi nan premye semèn mwa janvye k ap vini la.
Pou kounya, nan sa ki konsène dosye operasyon depòtasyon yo ki te tanmen depi septanm 2022 a, ta sanble otorite dominiken yo ralanti nan pwosesis sa yo.
Atik sa se pwopriyete prive ©️ Gwoup Medya MAGHAITI 2022
