Jounen jodi mèkredi 12 oktòb 2022 a, yon delegasyon ki gen ladan l Sekretè Adjwen pou zafè Emisfè oksidantal la Brian Nichols, plizyè responsab nan ministè defans Ameriken ak kòmand man Sid la debake nan peyi Dayiti.
Delegasyon sa gen pou misyon pou yo rankontre premye minis Ariel Henry, manm Akò Montana yo epi lòt manm nan sektè prive a, daprè sa jounal Miami Herald fè konnen jodi mekrèdi a.
Sekretè Adjwen pou zafè Emisfè oksidantal la, Brian Nichols deklare: «Vwayaj li an Ayiti a rive nan yon moman desizif epi di peyi Etazini ap kontinye founi èd li bay Ayiti.»
“Vwayaj an Ayiti mwen an rive nan yon moman desizif alòske Ayisyen y ap fès fas avèk yon epidemi kolera k ap grandi, yon blokaj pò yo akoz gwoup gang ak zam epi yon kriz gaz k ap anvlimen sitiyasyon imanitè epi sekiritè peyi a. Nou rete angaje ak sante, byennèt epi sekirite pèp Ayisyen an.” Deklarasyon sekreté adjwen ameriken an.
Anplis, Brian Nichols pwofite deklarasyon l la pou li fè konnen peyi Etazini deja bay Ayiti plis pase 171 milyon dola nan pwogram èd Imanitè vital ak relèvman rapid, rediksyon risk ak rezilyans, daprè sa anbasad Ameriken nan pòtoprens pibliye sou kont facebook yo.
Sekretè Adjwen pou zafè Emisfè oksidantal la, Brian Nichols gen pou pase sèlman 2 jou nan peyi a, selon jounal Vwa Damerik (VOA).
© Tous droits réservés – Groupe Média MAGHAITI 2022
