Yon atik ki plibliye nan jounal Ameriken Miami Herald enfòme jodi vandredi 7 oktòb 2022 a, gouvènman Ayisyen an mande kominote entènasyonal la yon prezans militè depi nan lannuit jedi a.
Demann gouvènman Ayisyen an pou fòs militè yo vini nan peyi a pral ale jwenn kominote entènasyonal la jodia menm, toujou selon menm sous la.
Sekretè deta Ameriken an Anthony Bliken fè konnen bò kote pa li nan yon twit ki pibliye ayè jedi a. li te rankontre Minis zafè etranje ayisyen an, jean Victor Généus: «Li di li toujou rete detèmine pou li ede Ayiti rejwenn sekirite ak lòd demokratik, konsa pou tout Ayisyen ka genyen yon pi bon avni.»
N ap raple ayè jedi a, biwo premye minis la te fè konnen pawòl ki t ap sikile sou demisyon premye minis lan se te manti. Anplis, depi nan lannwit rive jiskounya, anpil moun deside pran lari sitou nan zonn Dèlma , Petyonvil, elatriye pou kontinye ak pwotestasyon yo.
Photo: New York Time
Atik sa se pwopriyete prive ©️ Gwoup Medya MAGHAITI 2022
