Dimanch 21 dawout 2022 a, Lapolis Nasyonal Dayiti (PNH) akize nan zak asasina yon jenn gason 19 lane, ki se Ednès Lebreton, nan zonn Akayè, selon entèvansyon sè viktim nan te fè nan jounal Premye Okazyon sou Radyo Karayib.
Ednès Lebreton, se yon machann gaz ki genyen 19 lane, lapolis ta touye l sou baz li se swadizan yon manm nan gang 400 Mawozo.
Selon temwanyaj sè viktim lan : ” Dimanch maten m rele li pou l vin manje, li te di m Sista m pral fin distribye yon gaz aprè m ap vin manje. Pandan m t ap sòti al keyi yon seriz nan garaj la, mwen te wè Lapolis ap kouri dèyè li. Ti frè m lan te mete jenou li atè ak demen sou tèt li epi di mwen gen 19 lane, mwen pa yon bandi si nou vle n ka gade kat idantite ki nan pòch mwen an”.
Lapolis te chwazi inyore konvèsasyon viktim lan pou li te egzekite lòd li, sa ki lakoz yon gwo dram nan fanmi an, presizeman nan lokalite ”Ruelle Piquette”.
Sè viktim lan te kontinye pou li ajoute : ” Frè m lan te di li pa yon bandi, polisye yo te fè l vire do li epi yo bay li anviwon 4 katouch, youn anba bra li. Anplis, yo te chwazi blese li pou jwenn an pwent li epi mete yon fo zam sou li sou pretèks se yon bandi, lè m rele anmwey ak kouche sou frè m lan. Yon polisye te menase l ap tire m si mwen kontinye, se gras ak soutyen popilasyon ki te fè yo kouri. Aprè yon ti tan yo vin lakay mwen pou yo te vin eskize nou, akoz se yon manm 400 Mawozo ak mayo jonn yo t ap chèche”.
Popilasyon nan Akayè anonse yon manifestasyon parapò ak zak sa ki pase a, ki se asasina jenn gason 19 lane sa, Ednes Lebreton, selon avoka viktim lan Mèt Bazile Pierre-Larnage.
Atik sa se pwopriyete prive ©️ Gwoup Medya MAGHAITI 2022.
