Ensekirite a pa sispann vale teren, tout bis ki te sòti Pòtòprens pou pran direksyon vil Pòdpé jounen Jodia vandredi 10 jen 2022, te oblije kase tèt tounen ankò akoz gwo panik bandi t ap simen nan zonn Kanaran epi yo te rann li enpratikab.
Bandi yo te bloke rantre kapital la, patikilyèman direksyon wout Nasyonal #1 an, kote plizyè depatman te fin pa paralize, tankou sa yo: Nò, Nòdès, Nòdwès, Latibonit…
Selon sous “Port de Paix spotlight”, atravè yon nòt li mansyone: “Otobis Remito fè aksidan, anpil blese nan zonn Divivye-Site Solèy, akoz yo t ap prese retounen pou evite viktim anba men bandi yo”.
Pratik bandi ap opere lè yo vle ak pito, pandan nou gen lapolis ak lòt enstitisyon yo ki pou etabli yon klima sekirite ak lapè k ap asiste yo.
Poutan, se chak jou pi plis bandi ap tounen sèl kòk chante sou teritwa papa Desalin lan. Kote yo pran plezi nan teworize popilasyon an san kanpe.
© Tous droits réservés – Groupe Média MAGHAITI 2022
