Administrasyon Biden nan pran yon seri mezi pou anpeche kantite imigran k ap travèse fwontyè Etazini a ilegal mande azil.
Alòske administrasyon an atravè pwogram CBP one nan te mete sou pye yon vwa legal pou imigran yo pase pou yo sispann antre sou tè a ilegal, men sa pa t anpeche kèk nan yo itilize vwa sa. Akoz kantite moun ki rive antre nan peyi Etazini pandan dènye mwa sa yo san yo pa fè apliksyon an, prezidan Joe Biden ki depi nan kòmansman manda l la te mande kongrè a pou sekirize fwontyè yo ak repare sistèm imigrasyon yo a ki an feblès la, anonse li pran yon mezi egzekitif.
Prezidan ameriken an ki kwè fwontyè yo dwe sekirize anonse, madi 4 jen pase a, yon aksyon egzekitif pou refize azil pou imigran ki travèse fwontyè Etazini a ilegal. «Yon desizyon ki pral mete an aplikasyon lè gwo nivo konfli nan fwontyè sid la depase kapasite pou pwodwi konsekans alè, jan sa fèt jodi a. Yo pral rann li pi fasil pou ajan imigrasyon yo depòte moun ki pa gen yon baz legal pou yo rete epi redwi chay ajan patwouy fwontyè yo», daprè sa anbasad peyi Etazini fè konnen. Nan menm desizyon sa, moun ki rive rantre nan peyi a ilegal, y ap voye yo tounen nan peyi yo epi yo riske sibi gwo konsekans anba men kriminèl ak ajan imigrasyon.
CP: RFI
Michelove G.Bazelais
Atik sa se pwopriyete prive ©️ Gwoup Medya MAGHAITI 2024
