Jan yo toujou fè l legliz «Tabernacle de Gloire» moun konnen sou non Shekinah, pare pou fè 40 jou jèn nan tout enstalasyon yo genyen nan tout peyi yo pou ane 2024 la. Pou gran evènman sa k ap kòmanse sòti 2 jen pou rive 14 jiyè 2024 la, Mag Haiti anonse tout popilasyon an kèlkeswa kote yo ap kapab suiv andirèk tout sèvis legliz la, sou tout platfòm li yo.
«Laglwa Bondye nan yon lòt nivo», se sou tèm sa pastè legliz la, Bichòp Grégory Toussaint revele 40 jou jèn ane sa pral fèt. Li eksplike pandan peryòd tan sa a, kretyen k ap konekte e k ap la yo pral fè fas kare ak 3 gwo dimansyon enpòtan nan lavi yo ki se prezans, ak pisans Bondye epi pwosperite».
Bejè legliz Shekinah a ajoute pou li di «Mwen envite tout moun ak konseye yo pa rate sou okenn pawòl jou espesyal sa yo». Pou ou menm ki ta vle viv moman an ki Ayiti, Etazini , Repiblik Dominikèn, Brezil ou ka sèlman pase nan batiman legliz yo a (campus) ki tou pre w la.
Pou dewoulman manifestasyon espirityèl sa a, sòti 2 pou rive 5 jen se pral kòmansman aktivite a ak 3 jou jèn dlo(3 jou Esther), sa vle di 3 jou san manje. Pou sa ki gade adoratè ak adoratris k ap la yo, nou pral jwenn salmis Rosena Orys, ki pral gen pou asire moman an sòti 2 rive 6 jen, genyen tou pastè Samuel Robuste ak lòt moun ankò k ap la pou rès jou yo.
Pou nou kapab konekte ak nou, n ap sèlman monte sou paj Mag Haiti a epi klike sou layv la, ou ka tou pwofite abòne ak paj nou yo tou. Nou menm ki pa itilize entènèt epi ki nan Pòtoprens la, nou kapab mete radyo nou an sou 92.1 Shekinah.FM. Ap gen plizyè sèvis, konsa w ap kapab branche depi l 7è nan maten, ou ka fè sa tou a 5è nan aprè midi oubyen ou pran sèvis 7è nan aswè a, se konsa nou ka suiv 40 lan avèk Shekinah san manke yon jou.
ÈSKE W NAN 40 LAN ? se eslogan sa a ki nan bouch tout moun ki nan fanmi Shekinah a.
Atik sa se pwopriyete prive ©️ Gwoup Medya MAGHAITI 2024
