Konsèy prezidansyèl Tranzisyon (KPT), jounen madi 21 me 2024 la, fè yon seyans travay ak wo eta majò Lapolis la pou prepare rantre fòs miltinasyonal la sou teritwa ayisyen an nan jou k ap vini yo.
«Se te okazyon pou Konsèy prezidansyèl Tranzisyon an te pale ak Direktè jeneral epi manm siperyè enstitisyon Lapolis la sou fason Misyon Miltinasyonal Apui ak Sipò nan Sekirite a (MMASS) pral opere sou teren an», se sa n ka li sou paj Laprezidans lan.
Konsèy Prezidansyèl Tranzisyon an fè konnen Lapolis pral gen kontwòl global operasyon misyon sa a sou teren an tankou konpozisyon ekip yo, objektif entèvansyon yo, règ pou angajman inite yo epi kontwòl sante twoup yo. Tout sa yo pral gen pou anba kowòdonasyon ak sipèvizyon otorite Lapolis Nasyonal d Ayiti.
Pou fini, n ap raple Misyon Miltinasyonal Apui ak Sipò nan Sekrite a (MMASS) ki kreye apati rezolisyon 2699 Konsèy Sekirite Nasyonzini a ta dwe rantre an Ayiti nan dènye jou ki nan mwa me 2024 yo.
Atik sa se pwopriyete prive ©️ Gwoup Medya MAGHAITI 2024
