Biwo Kominikasyon Konsèy Prezidansyèl Tranzisyon an pibliye yon nòt, yè samdi 11 me 2024 la, pou moun yo vin depoze pyès pou pòs premye minis, nan lide pou yo ka mete kanpe gouvènman an.
«Divès sektè ki fòme Konsèy Prezidansyèl Tranzisyon an, pati politik yo, òganizasyon yo ki atache ak Akò politik pou yon tranzisyon pasifik epi òdone ki chita nan akò 3 avril 2024 la, Konsèy Prezidansyèl Tranzisyon an louvri pou yo depoze pyès pou premye minis», se sa a ki ekri nan nòt Biwo kowòdinasyon konsèy la.
Konsèy Prezidansyèl Tranzisyon an atravè biwo l kontinye pou l ajoute : «Sila yo k ap gen pou depoze pyès pou premye minis lan gen pou obligasyon fè pati youn nan ògsnizasyon ki manm akò ki te fòme 3 avril dènyè a, pyès kandida yo ak kandida yo dwe tou vini ak yon lèt sektè ki voye l la.»
Selon Biwo kominikasyon Konsèy Prezidansyèl Tranzisyon an, se yon ijans ki genyen pou mete kanpe pouvwa egzekitif tranzisyon an, kandida yo dwe angaje yo devan notè pou yo bay pyès sa yo aprè 30 jou enstalasyon minis la lè yo refere yo ak atik 51, 52 epi 52.1 avèk akò 3 avril 2024 la :
Sètifika Lapolis ki sòti nan DCPJ ( Direksyon Santral Polis Jidisyè) osnon Sètifika bon lavi ak bon mès ki sòti nan TPI
Deklarasyon definitiv enpo
Sètifika k deklare byen yo ( Patrimwàn)
Kandida yo ap gen pou bay pyès yo tou kachte nan anvlòp apati 13 me pou rive 17 me 2024 k ap vini la nan «Villa d’accueil Musseau» ak adrès elektwonik : [email protected]
Atik sa se pwopriyete prive ©️ Gwoup Medya MAGHAITI 2024
