Marie Nelly Verpille Boyer, sekretè jeneral palman an, jwenn liberasyon l jounen jedi 9 me 2024 la aprè lapolis te fin arete l pou kòripsyon anndan Sena a, selon sa jounal Le facteur rapòte.
Jij enstriktè Merlan Belabre te mande pou yo arete sekretè jeneral sena a aprè li te fin tande l pandan 3èdtan. Yo te arete l nan zafè ti kat debi ak move jesyon materyèl palman an, se sa Inite Lit Kont Koripsyon (ULCC) te mete nan rapò l te sòti a.
Lajistis te pase lòd arete l nan dat ki te 2 me 2024 la, pandan tan sa a avoka l la te tou pwofite denonse jij Belabre sou fason l te jere dosye a :«kliyan m nan pa t nan palman an nan lanne 2017 puiske se an 2022 ak 2023 l te ladan l, sa yo repwoche li a pa gen anyen pou wè ak li.»
N ap raple ULCC te mande pou yo mete aksyon piblik an mouvman kont yon bann sitwayen tankou : Hervé Fourcand, Joseph Lambert, Garcia Delva ak Wanique Pierre. Akizasyon kont sekretè jeneral Sena a te la depi novanm 2023 e non l te pami moun sa yo.
Rapò sa a te fè konnen gen Kat debi ki te bay, machin ak lòt ekipman sena a ansanm ak prim pèfòmans chak ane sivil yo pa wè.
Atik sa se pwopriyete prive © Gwoup Medya MAGHAITI 2024
