Nan yon nòt Biwo Sekretè Deta Entegrasyon Moun Andikape « BSEIPH» mete deyò ayè 29 avril 2024 la, li kondane divès atak nèg ak zam fè sou andikape yo, presizeman sou espas «Foyer St-Vincent», nan zòn Metwopolitèn Pòtoprens la.
Menm jan divès enstitisyon prive ak piblik viktim zak piyaj epi boule anba lavil la, se te pral moman bandi ak zam te pral fè plizyè atak sou espas « Foyer St-Vincent ». BSEIPH soulinye li gen plizyè jou l ap resevwa alèt konsènan deplasman anpil andikape nan espas la.
“Semenn pase, gang ak zam te atake espas «Foyer St-Vincent », yon etablisman ki akeyi plizyè andikape nan kapital la”, se ak pawòl sa yo responsab yo kontinye kondane move zak endividi ak zam fè sou pi fèb yo.
Pandanstan, Biwo Sekretè Deta Entegrasyon Moun Andikape yo pwofite pou li remèsye lameri Petyonvil ak DGI(Direksyon Jeneral Enpo) k ap fini demach pou li akeyi moun andikape ki te nan espas li a. Anplis, yo ankouraje pou moun yo pote solidarite yo avèk andikape sa yo epi chanje konpòtman nou kòm sitwayen nan peyi a.
Atik sa se pwopriyete prive © Gwoup Medya MAGHAITI 2024
