Alòske primati te anonse seremoni enstalasyon Konsèy Prezidansyèl Tranzisyon (KTP) la t ap fèt nan Vila akèy Miso a jodi jedi 25 avril 2024 la, poutan 9 manm Konsèy la prete sèman ankachèt nan Palè Nasyonal byen bonè maten an.
Se yon seremoni ki fèt, ki rive etone anpil moun maten an, puiske popilasyon an t ap atann jan gouvènman an te di l la enstalasyon 9 manm Konsèy prezidansyèl t ap fèt nan Vila akèy ki twouve li Miso a. Pou kounye a selon imaj ki pibliye yo, premye etap la fèt nan Palè Nasyonal, kote ki gen anpil tire nan zòn ki sou kote li yo aktyèlman.
Selon Radio Métronome, 2yèm etap enstalasyon Konsèy la ta dwe fèt nan laprimati. Nan sans sa tou, deja gen gwo dispozitif sekirite ki pran nan zòn Dèlma 48, touprè primati a, kote gen anpil polisye ki gentan ap sekirize perimèt yo.
N ap soulinye, anvan seremoni sa fèt nan palè Nasyonal la, premye minis Ariel Henry te tou prezante lèt demisyon l byen bonè maten jedi a. Kote li remèsye tout moun ki te ede li fè fas ak 3 lane sitiyasyon sekiritè peyi D ayiti ki vin pi mal parapò ak jan sa te ye deja.
Atik sa se pwopriyete prive ©️ Gwoup Medya MAGHAITI 2024
