Gouvènman kiben an di li rive fè rapatriye resòtisan l yo ki t ap viv an Ayiti ayè dimanch 21 avril 2024 la, menm jan ak kèk lòt peyi ki te rive fè sa a pou sitwayen yo ki t ap viv nan peyi a akoz ensekirite k ap taye banda depi 29 fevriye ki sot pase la, selon yon kominike anbasad Kiba te mete deyò.
« Operasyon pou rantre 248 Kiben nan peyi a reyisi ak siksè malgre tout difikilte nou te jwenn », se sa a anbasadè Kiben an te rapòte.
Pandan prezidan Kiben an, Miguel Diaz- Vanel, li menm ta pral felisite Kiben yo pou evakyasyon an ki fèt san pwoblèm.
Anplis, minis afè etranjè a, Bruno Rodriguez remèsye tout antite Ayisyen ki te enplike nan pwosesis pou moun sa yo kite Ayiti, presizeman anbasad Kiba an Ayiti a.
« Misyon diplomatik la ta pral mennen negosyasyon ak konpayi Sunrise pou li transpòte Kiben yo nan peyi li.», se sa n ka li nan kominike a.
Gouvènman defakto a te dakò otorize sitwayen Kiben yo kite peyi a ak tout volonte yo. Kiben sa yo te pase nan vil Okap, kote yo t ap rive jwenn sipò konpayi Avyon Sunrise.
Sou 6 vòl ki te kite Ayiti pou al kiba yo genyen ladan yo ki te rive Kamagwey (Camagüey), gen lòt ki te ateri Santyago (Santiago), toujou selon anbasadè Kiben an fè konnen.
Atik sa se pwopriyete prive ©️ Gwoup Medya MAGHAITI 2024
