Vis prezidan nan peyi Salvadò ki se Félix Ulloa di materyèl militè ak divès pilòt epi lòt manm ki te travay nan soutni Nasyonzini nan Repiblik Santrafiken Mali a kapab ede Ayiti sòti nan kriz li a, selon jounal enfo Defensa pibliye sou paj li.
Anplis, li pwofite raple, kèk semèn anvan prezidan Salvadò a Nayib Bukele te pale sa a ak konsèy sekirite Nasyonzini an.
Li te di : «si toutfwa Ayiti aksepte epi kominote entènasyonal la bay lajan, peyi Salvadò kapab rezoud kriz Nasyon sa a nan karayib la».
Se pa pral nouvo ditou pou peyi Salvadò pou li patisipe nan etabli lapè nan yon Repiblik tankou Ayiti.
Lè li remonte nan tan pase li, li fè konnen li te pote èd li nan founi plizyè ekipman militè ak pilòt bay Nasyonzini pou te sòti Mali nan kokennchenn kriz li a.
Paralèlman, mwa jen ane pase a, vis prezidan Ulloa te anonse l siyen yon akò pou kreye yon biwo kowoperasyon avèk Ayiti. Se te yon akò ki te gen siyati minis etranje Salvadò a, Alexandra Hill Tinoco, ak Minis afè etranje Ayiti a, Jean Victor Geneus,
Pou fini, gouvènman salvadoryen an fè konnen l gen entansyon voye an Ayiti yon misyon k ap gen an chaj pote soutyen koperasyon imanitè, teknik epi syantifik bay li.
Pandanstan, lè li gade dimansyon vyolans k ap devlope an Ayiti nan dènyè semèn sa yo, anplis bilan misyon entènasyonal la, li anvizaje jwenn sòlda militè pito k ap gen pou fè pati misyon entènasyonal an Ayiti a.
© Tous droits réservés – Groupe Média MAGHAITI 2024
