Nan yon nòt piblik, konsèy prezidansyèl Tranzisyon a mete deyò ayè vandredi 5 avril 2024 la, yo fè konnen yo jwenn yon akò final ant divès sektè politik, ekonomik epi sivil anndan peyi a.
Akò sa a jwenn sipò tout moun yon fason pou yo te ekri yon dokiman dekrè ki pral penmèt yo òganize nou ak penmèt bon fonksyonman konsèy prezidansyèl Tranzisyon an. Anplis, aktè konsène yo pral siyen dokiman sa a, kon sa a tou 2 dokiman sa yo pral jwenn gouvènman an ofisyèlman parapò ak kominote Karayib la (Caricom) ki se enstans k ap jwe wòl abit nan pwosesis dyalòg la.
«konsèy prezidansyèl la presize plan aksyon peryòd tranzisyon an ki pral gen pou egzekite nan pwochen gouvènman konsansis la nan lide pou peyi a pran chimen estabilite l, lapè linyon l epi pwogrè l», selon yon nòt piblik konsèy prezidansyèl Tranzisyon an piblliye.
Dokiman sa a pral gen pou li chita sou mòd gouvènans politik ak tranzisyon. L ap pale de misyon l, vizyon l epi divès prensip responsab ak estrikti enstitisyonèl yo. L ap chita fason pou retabli sekirite piblik la, òganize konferans nasyonal la ak refòm konstitisyonèl la, reyalize eleksyon jeneral nan peyi ak patisipasyon tout moun. Anplis, remanbre lajistis, rekanpe enstitisyon yo ak ekonomi peyi a.
Pou fini, konsèy prezidansyèl la fè konnen li renouvle solidarite patriyotik li pou pèp Ayisyen a nan soufrans li.
«Nou salye kouraj fòs lòd yo, divès enstitisyon yo epi sitwayen yo ki rive kanpe nan moman kawo sa nan peyi a», se sou fraz sa yo konsèy prezidansyèl Tranzisyon mete fen ak nòt sia a e l menm rete kwè yon lòt Ayiti posib.
© Tous droits réservés – Groupe Média MAGHAITI 2024
