Nan yon kominike Òganizasyon Entènasyonal Migran (OIM) pibliye jounen jodi jedi 4 Avril 2024 la, yo fè konnen gen plis pase 13000 Ayisyen yo voye retounen lakay yo atravè divès rejyon nan Karayib la, gen anviwon 3000 ladan yo ki jwenn èd imanitè pandan y ap retounen lakay yo a epi 1200 te gen chans jwenn sipò sikosyosyal nan kad depòtasyon masif sa a.
«Pou anpil Ayisyen vwayaje nan sitiyasyon regilye se yon veritab pwoblèm pou yo, alòske vwayaje se sèl espwa pou anpil Ayisyen ka rive kanpe tèt yo», se sa a òganizasyon entènasyonal sa a fè konnen.
OIM Kontinye pou l di nan kominike a : «Malgre sitiyasyon katastwofik la ak eta ijans lan, anpil peyi nan rejyon Karayib la pa sispann pimpe Ayisyen retounen lakay yo, sa ki lakoz gen ogmantasyon 46% parapò ak mwa anvan yo, an total 13000 nan yo twouve yo nan peyi a akoz yo pa legal pou yo rete nan peyi etranje, akoz anpil fwa aksè avèk yon paspò konn prèske pran yon lane pou yo jwenn li.»
Pandanstan sa a, n ap raple n, Ayiti ki gen anviwon 11.6 milyon moun ladan l gen plis pase 360000 ladan yo ki pa sispann kouri kite Lakay yo pou ale refijye yon lòt kote nan peyi a (Migrasyon entenn), sitou nan gran Sid la ki gen ladan l Grandans, Sid, Sidès epi Nip.
Crédit Photo: DW
© Tous droits réservés – Groupe Média MAGHAITI 2024
