Ministè zafè etranjè peyi Panama fè konnen ayè lendi premye avril 2024 la, yo fèmen anbasad yo a pou yon ti tan an Ayiti. Yo pran desizyon sa se akòz enstabilite ak ensekirite k ap travèse nan peyi a.
“Nou eksprime vrèman pwofon preyokipasyon nou fas avèk sitiyasyon an Ayiti a epi eksprime solidarite n avèk pèp ayisyen an nan peryòd difisil sa“, selon piblikasyon anbasad Panama a fè sou dosye sa.
Jouskaprezan se yon desizyon ki pran nan yon moman kote gen divès afwontman ant Lapolis avèk gang nan «Viv Ansanm» yo. Kote bandi yo t ap eseye pran Palè Nasyonal la epi kreye latwoublay nan plizyè rakwen nan peyi a tankou Channmas, Pit Bwaye, Kazo, Dèlma, Maglwa Anbwaz, Kwadèmisyon, elatriye.
Sou lòt bò a, anbasad Panama kontinye pou li di l ap bay konpatriyòt panamayen li yo ki Ayiti tout atansyon yo. Pandan yo fè konnen yo mete yon liy disponib pou pèmèt moun yo kontakte konsila a nan ka bezwen yo, Men nimewo telefòn ak imel disponib yo: +50931685064, [email protected].
Atik sa se pwopriyete prive ©️ Gwoup Medya MAGHAITI 2024
