Tribinal Jidisyè vil Paris deside kondane jounalis anketè Romain Molina jounen jodi madi 6 jen 2023 a, pou zak difamasyon kont ansyen prezidan Federasyon Foutbòl Ayisyen an (FFH), Yves Jean-Bart.
«Lajistis fransè ap pwoteje vrèman moun k ap kouche timoun yo», selon twit Romain Molina aprè kondanasyon li anba Tribinal peyi Lafrans.
Paralèlman, ansyen prezidan Federasyon Foutbòl Ayisyen an Yves Jean-Bart, te gen 2 avoka ki te reprezante li, Dominique Tricaud ak Stanley Gaston, pou yo t ale depoze plent kont Jounalis Romain Molina akoz li te akize kliyan yo sou abi seksyèl sou timoun ak jwè fanm yo. Kòmkwa se ta yon zak detraktè ak difamasyon epi konplote avèk anpil lennmi ansyen prezidan an.
Alòske piblikasyon sa te fèt nan yon jounal «Quotidien Britannique», ki te fikse yon pèsonalite entènasyonal ki te reprann atravè plizyè medya Lafrans pou akize ansyen prezidan Federasyon Foutbòl Ayisyen an, Yves Jean-Bart.
«Romain Molina ap eseye konvenk jwè foutbòl fanm Ayisyen yo pou ede l rachte li kont akizasyon sa yo», selon sa jounal Vant Bef Info di avoka Yves Jean-Bart a fè konnen. Li pote ak dekrebilize atik 29 nan lwa 1881 sou laprès.
Crédit photo: Midi Libre
© Tous droits réservés – Groupe Média MAGHAITI 2023
