Nan moman yon plan apantaj tè ayè mèkredi 26 avril 2023 a, anviwon 6 moun pèdi lavi yo ak plizyè lòt sòti blese nan kad yon diskisyon nan yon lokalite ki rele «Senmichèl», ki se 4èm seksyon kominal nan Miragwàn, selon enfòmasyon ki pataje atravè plizyè medya.
Pami viktim yo gen yon enspektè polis ak yon avoka ki pèdi lavi yo tou pandan dram sa te pase ayè mèkredi an. Selon konsta jij pou lapè Mèt Wéber Georges Toussaint nan Tribinal lapè Senmichèl, li te pral revele non 6 moun sa yo ki mouri anba bal ak kout manchèt tou : Jacques Edmond, Jean François Frantz, Arismond Saint-Clair, Jonel Dériva, Jean Smith Chéry (Apantè a), Bertin Hilairsaint.
Sou lòtbò a li ta pral site non lòt moun ki te blese grav yo aprè gwo diskisyon pou tè sila. Moun sa yo se Bernard Jérôme, Chéry Jultone epi Lorvinsky Mondésir. Anplis, li fè konnen gen yon Isye ki arete nan kad ankèt sou dosye sa.
«Gen ladan yo ki mouri ak bal, rache epi kay ki pran dife aprè evenman sa», selon deklarasyon Mèt Wéber Georges Toussaint.
Atik sa se pwopriyete prive ©️ Gwoup Medya MAGHAITI 2023
