Pratik kidnapin lan pa epanye kikonk isit, nan kòmansman mwa me a se ta pral kidnapin 5 sitwayen ak nasyonalite Tik nan komin Kwadèboukè, pandan yo t ap rantre nan peyi Dayiti atravè Yon ti bis ak 7 lòt moun ankò, kote yo finalman jwenn liberasyon yo nan sòti madi lannuit pou rive mèkredi 14 ak 15 jen 2022. Selon sous (Agence France Presse/ AFP).
Rezon ki ta fè yo libere yo pa devwale, sofke jenn gason ant 20 ak 26 an sa yo, an sante fizik yo nòmal, koz pa gen anyen ki rive yo. Poutan, 3 medam ki te nan mitan mesye yo pami tout lòt moun yo te gentan jwenn liberasyon yo depi 10 jou anvan sa, akoz pwoblèm sante yo. Selon Michaelle Durandis, ki se reprezantan konpayi otobis Metwo a.
Nan dat 8 me, gwoup moun sa yo te kite Sendomeng pou rantre Ayiti, se konsa yo te rive kidnape yo. Kote selon kèk moun se te gwoup bandi 400 mawozo ki te fè kidnapin sa.
Malgre tout jefò Lapolis la, bandi ak zam pa sispann fè zak kidnapin nan wout Laplenn lan. Kote kategori Moun sa yo achte ak lajan kontan, wout Nasyonal #1 ak pratik malsenn sa yo.
Se chak jou pi plis, fenomenn sa ap gen gwo retonbe sou ekonomi peyi a ak lavi moun.
Atik sa se pwopriyete prive ©️ Gwoup Medya MAGHAITI 2022
